筆者計劃下月開始又要休息一下，去遠行充下電，所以又係時候暫停這個Patreon。好似美劇咁，呢個 season完結，下季(六月)再繼續😄。不過，想在休息前做番小小的總結。
去年三月中，美國聯儲局宣佈加息0.25%，是2018年以來首次加息，目的是對抗40年來最高水平的通脹，另外，聯儲局又會逐步收水，在雙重出拳下，股市下跌，通脹呢？現今在6%水平，唔算低，但息口就升至5%。
美國展開加息周期這一年，頭九個月科技股跌到四腳朝天，地產及奢侈品跌得都傷，只有能源股和基本的必需品行業好啲。
圖：標普各類股份表現(截至28/3/2023)
這一年裡面，科技公司冇運行，小型的好多都係未有錢賺的公司，面對股價跌，息口升增加借貸成本，業務受影響，大型科技好似Amazon、Meta等等，裁員行動完咗一輪又一輪，最近銀行都出事，由矽谷銀行展開新一輪風波，主要是資金周轉出問題，
加咗多次息之後，市場預期加埋5月的一次，加息行動就會休息下。這樣未來的日子，股價又會否出現板塊移動呢？可能要睇中間有沒有變數。
不要忘記，在高息環境下，借錢難咗，成本高咗，同時多咗人失業，經濟又會差啲，依家睇美國的經濟數據，好似冇乜事，但可能問題仍未浮現，所以關鍵是美國經濟是軟著陸，定係硬著陸，不能太早因為息口或快見頂而過早高興，股市有機會又會借消息、借數據炒上炒落。
圖：20隻去年調整多的股份 (截至28/3/2023)
今年初，筆者列出咗20隻去年跌得多，大家又唔太陌生的股票。這幾個月以來，不少都反彈咗唔少。當中一些較大風險的反彈更多，反映市場的風險胃納其實都唔太差。(上述的股份筆者以前介紹過，有興趣可重溫一下)
休息回來，希望重整一些組合，再慢慢介紹。
預早祝大家活節快樂！
再提提下大家，Patreon會於四月及五月暫停，六月再見，期間停收訂閱費。
（30/3/2023）